مسيتكم رحتو مارديتو المسا
معقول هالأيام يمكن تنتسى
تنطر تاتقشعني ولنو بالوما
وجدولتي تحلم بإيدك تلمسا
توقف عباب المدرسه شوتنتظر
كنت بعيونك كل خطوي تحرسا
معقول صاير شيء مني زعّلك
ويمكن بإنو عالبعد قلبك قسا
شبر بندر كنا نداري حبنا
غرسة محبي كنت بيدك بتغرسا
شبكنا إيدينا مابودي ودعك
وهمساتك بروحي وقلبي تهمسا
ترحل عيونك بالمدى وعمري معا.
ودمعاتنا ماكان فينا نحبسا
ونمشي مع الغيمات تايفل القمر
وأحلامنا عطر المحبه يلبسا
شلحات غيم تروح من عنا وتجي
نسهر مع النجمات حتى نّعسا
تقلي بعدبكير لاتفلي إقعدي
يامحلا هالجلسات كنا نجلسا
أحلامنا تناجي الليالي المعتمه
لو خافت النسمات كنا نونسا
نرسم أمانينا نطرزها حبق
متل الأمل نحلم بأنو نورّثا
معقول هيك تغيرت فينا الدنيا
من وين جايب هالقساوه وهالأسى
مابظن قلبك بالهوى منو إلي
وأنفاس عمري أنت يل بتنفسا
شوغيرك مو أنت يل بعرفو
الزهره إذا مسكتا بإيدي تبوسا
مابودعك ماعاد بدي ودعك
روحي مابدي عاغيابك حسسا
مابعاتبك بعرف بعد بتحبني
رح ترجع وتغمز لعلَ أو عسى
ليست هناك تعليقات:
إرسال تعليق